Fituesi i Kupës së Botës me Gjermaninë, Toni Kroos, ka kontratë për tri vite me Real Madrid dhe duket se nuk do të transferohet në Angli.

Reprezentuesi gjerman ka përjashtuar një ribashkim me Guardiolan. Emri i tij lidhej me një kalim të mundshëm në Premierligë tash e sa kohë, por kjo duket se nuk do të ndodhë, bazuar në fjalët e vet lojtarit.

“Unë definitivisht planifikoj të jem m Real për këto tri vite. Pastaj është një kohë e mirë në 33 vjeç kur pyet veten: si dukem fizikisht, si dukem me motivin – a ndihem sikur dua të vazhdoj?”, ka thënë Kroos, transmeton lajmi.net.

“Nëse diçka vjen, ti thua: Në rregull, një vit më shumë këtu, sepse je i mirë mjaftueshëm dhe të pëlqen, nuk do ta përjashtoj, por pastaj një kalim në Angli, ku loja është fizike, nuk mund ta imagjinoj atë në moshën 33 vjeçare”, ka thënë mesfushori gjerman .

Kroos luante nën urdhrat e Guardiolas sa ishte pjesë e Bayern Munich. Ai pastaj kalonte te Real Madrid, ku vazhdon të jetë edhe sot. /Lajmi.net/