Këngëtari fitues i çmimeve Grammy, Sam Smith, e ka riemëruar albumin e tij të ri pasi nuk ndjehej rehat publikonte një album të titulluar “To die for” gjatë pandemisë koronavirus, shkruan CNN, transmeton lajmi.net.

Duke u shfaqur në emisionin e mëngjesit të BBC në Zoe Ball në BBC 2, të premten në mëngjes, krijuesi i hitit “Stay with me” tha që ata e kuptuan rëndësinë e të qenurit “të ndjeshëm” për fansat në mes të krizës globale.

Covid-19 ka infektuar më shumë se 2.1 milionë njerëz dhe ua mori jetën mbi 147,000 personave  në të gjithë botën, sipas shifrave të Universitetit Johns Hopkins.

“Albumi im kishte fjalën ‘vdes’ në titull, të cilin thjesht u ndjeva vërtet pakëndshme ti lija, pas asaj që po ndodh (koronavirusit) dhe është aq e rëndësishme për mua që të jem i ndjeshëm ndaj fansave të mi dhe njerëzve që dëgjojnë muzikën time “, tha ylli Smith.

Ai vazhdoi: “Kjo ka qenë një kohë me të vërtetë e trishtuar dhe e tmerrshme për ne, kështu që unë kam ndryshuar titullin e albumit, do të ndryshoj edhe kopertinën e albumit.”

Smith tha që albumi i tretë i ardhshëm në studio – një vazhdim i atij të 2017-ës “The Thrill Of It All”, i cili ishte planifikuar fillimisht për botim në 1 maj – tani do të dalë në një datë të mëvonshme, “kur unë e di  që të gjithë të sigurt dhe të gjithë janë mirë, atëherë mund të mendoj për lëshimin e albumit “. /Lajmi.net/