Yjet botërore në këtë periudhë pandemie po tregojnë anën e tyre humane, duke ndihmuar në luftën kundër COVID-19, shkruan lajmi.net.

Ndihmat e të famshmëve botëror gjatë kësaj pandemie ishin nga më të ndryshmet, por shumica e tyre janë mjete financiare.

Për ta mposhtur ‘armikun e padukshëm’ janë ngritur në këmbë e gjithë bota dhe po bëjnë gjithçka që munden.

Një pjesë e madhe e të famshmëve kanë dhuruar shuma të mëdha në organizatat bamirëse, në mënyrë që të ndihmohen kategoritë që janë prekur më së shumti.

Të tjerët ndihmuan spitalet, si me mjete financiare, ashtu edhe me masa mbrojtëse, e elemente të tjera.

Disa prej tyre kanë dhuruar donacione për personat që në këtë periudhë të pandemisë kanë humbur punët.

U ndihmuan edhe studentët, të cilët gjatë këtyre muajve detyrohen të paguajnë qiranë.

Këngëtarë, aktorë, pronarë të kompanive të njohura, e të tjerë; janë disa prej kategorive që ndihmuan në luftën kundër COVID-19.

Ai që e mban ‘vendin e parë’ në listën e donatorëve është pronari i Amazon, Jeff Bezos, i cili ka dhuruar 100 milionë dollarë.

Këta  janë emrat e njohur që dhuruan donacione për të luftuar pandeminë COVID-19:

Drejtori i përgjithshëm i Twitter, Jack Dorsey 1 miliard dollarë

Pronari i Amazon, Jeff Bezos 100 milionë dollarë

Ralph Lauren 10 milionë dollarë

Oprah Winfrey 10 milionë dollarë

Arnold Schwarzenegger 1 milion dollarë

Kylie Jenner 1 milion dollarë

Kim Kardashian 1 milion dollarë

Angelina Jolie- 1 milion dollarë

Giorgio Armani 1.25 milion dollarë

Bruno Mars 1 milion dollarë

Blake Lively dhe Ryan Reynold 1 milion dollarë

George dhe Amal Clooney 1 milion dollarë

Simon Cowell 1.3 milion funta

Rihanna 1 milion dollarë

Jay Z 1 milion dollarë

Madonnna 1 milion dollarë

Elton John 1 milion dollarë

Pink 1 milion dollarë.

Donacionet po vazhdojnë cdo ditë, ndërsa përveç mjeteve financiare që u përmendën më lart, disa emra të tjerë kanë ndihmuar në forma tjera:

Liam Payne dhuroi 360 mijë shujta për personat në nevojë.

Rita Ora dhe OBSH krijuan një emblemë që synon të mbledhë para për të ndihmuar në luftimin e përhapjes së koronavirusit.  Paratë e mbledhura nga shitja e bluzave me këtë logo, shkojnë në Fondin e Reagimit të Solidaritetit COVID-19.

Taylor Swift dhe Ariana Grande  ua paguan qiranë fansave.

Mariah Carey, Alicia Keys, Billie Eilish e të tjerë; performuan nga shtëpia dhe të ardhurat i dhuruan  për luftën ndaj COVID-19.

Leonardo DiCaprio ndihmoi në hapjen e fondit “America’s Food”, i cili tashmë ka mbledhur 12 milionë dollarë, për të ndihmuar komunitetet e prekura nga koronavirusi.

Lady Gaga dhe Global Citizen kanë mbledhur 35 milionë dollarë për përpjekje ndihme gjatë kësaj pandemie globale në të gjithë botën.

Cardi B shpërndau pije për mjekët dhe infermierët në Nju Jork. Po ashtu, Cody Simpson dhe Miley Cyrus ua dërguan 120 pako me ushqime punëtorëve të kujdesit shëndetësor. Kurse, Jay Z dhe Meek Mill kanë dhuruar 130 mijë maska për burgjet dhe spitalet në Amerikë.

Jennifer Aniston ia dhuroi një infermieres së prekur nga koronavirusi, një kartë dhuratë në vlerë 10 mijë dollarë.

Të famshmit që kanë ndihmuar kanë premtuar se nuk do të ndalen me kaq dhe kanë inkurajuar edhe të tjerët që të ndihmojnë sipas mundësive të tyre. /Lajmi.net/