Manchester City janë duke synuar që të nisin bisedimet me dyshen e skuadrës, Raheem Sterling e Kevin De Bruyne, bën të ditur ‘Dailymail’, transmeton lajmi.net.

Me dënimin e UEFA për skuadrën e Manchester City, situata në klub është pakëz e vështirë tashmë.

Yjet e skuadrës kanë filluar të lidhen me transferime të mundshme, pasur parasysh mungesën e City në garat evropiane.

Por, ‘Citizens’ duket se janë të vendosur që të blindojnë dyshen De Bruyne – Sterling, me të cilët pritet të hapin bisedimet së shpejti.

Sterling deri më tani është lidhur me një kalim të mundshëm te skuadra e Real Madrid, kurse për belgun nuk ka pasur ndonjë spekulim.

Mbetet të shihet nëse Man City do t’ia arrijë qëllimit për t’i mbajtur dyshen në ‘Etihad Stadium’. /Lajmi.net/