Fury dhe Wilder po përgatiten për revanshin e madh të shkurtit, ku do të kontestohet titulli i WBC.

Para këtij dueli, lufta e fjalëve është ajo që po vazhdon mes dy boksierëve, të cilët nuk kursejnë asgjë për njëri tjetrin.

Fury ka insistuar se do ta nokautojë kampionin e WBC përbrenda dy raundeve të para, kurse përgjigja e amerikanit ka qenë epike.

“Askush nuk e beson atë. Ai thotë se do të më nokautojë në raundin e dytë. Është gjë që nuk besohet” ka thënë Wilder, transmeton lajmi.net.

“Kam edhe gjashtë vite karrierë në sport, por nëse ai më rrëzon në raundin e dytë? Më nokauton? Unë mbaroj. Unë i jap fund. Pikë” ka thënë tutje ‘Bomberi i bronztë’.

Mbetet të shihet nëse Wilder do të nokautohet pas dy raundeve dhe t’i jap fund karrierës së tij. /Lajmi.net/