Katalanët kanë dominuar gjermanët, për fitoren e tretë këtë sezon në Ligën e Kampionëve.

Lionel Messi dhe Luis Suarez patën një formë të lartë, duke qenë kryesorët për Barcelonën.

Luis Suarez në minutën e 29’ kaloi Barcelonën në epërsi, pas një asistimi të pranuar nga Lionel Messit.

Katër minuta më vonë, Luis Suarez bëri të njëjtën gjë për Messin, me këtë të fundit që shënoi për 2:0.

Antoine Griezmann vulosi fitoren kur në minutën e 67’, shënoi për 3:0, pas një asistimi tjetër nga Lionel Messi, shkruan lajmi.net.

Krejt çka bëri Dortmund, ishte një gol i shënuar nga Jadon Sancho, për rezultatin 3:1.

Me këtë fitore, Barcelona siguron vendin e parë në grup, dhe në xhiron e fundit udhëton drejt ‘San Siros’, për t’u takuar me Interin./Lajmi.net/