Kësisoj, ai, do të jetë i gatshëm për ndeshjet e radhës që Kombëtarja e Kosovës do t’i luajë në kuadër të kualifikimeve për Kampionatin Evropian 2020 në muajin shtator, kundër Anglisë dhe Çekisë.

Me këtë rast, presidenti i FFK-së, Agim Ademi falënderoi ambasadorin Beq Cufaj, stafin e Ambasadës, Ministrinë e Brendshme dhe të gjitha institucionet tjera që në raste të këtilla kanë konsideratë dhe i përshpejtojnë procedurat për marrje të nënshtetësisë së Kosovës për futbollistët që veshin fanellën Dardane.

Po ashtu, FFK ka falënderuar edhe përfaqësuesin e Kosovës në Gjermani, Fekmi Kongjeli, i cili ishte iniciator i bisedimeve që Florenti t’i bashkohet Kosovës.

Florent Muslija është pjesë e Hannover 96 dhe është lojtar shumë i talentuar, i cili pa dyshim do të jetë një armë më shumë për përzgjedhësin Bernard Challandes në misionin për ta bërë ëndrrën realitet – kualifikimin në Euro 2020. /Lajmi.net/