Ish-bashkëpunëtori i Thaçit në PDK e quan rekreacion fundjave, veprimin e sotëm të presidentit në Veri. E çuditshme kjo deklaratë e Krasniqit!

Por, ai ka disa fjalë edhe për protestën e sotme të organizuar nga Lëvizja Vetëvendosje.

Ka kritikuar bojkotin opozitar derisa thekson se nga ky 29 shtator duhet të nxirret mësim i duhur.

Shkrimi i plotë i Krasniqit në Facebook:

Instrumenti demokratik për ndryshim u dëmtua nga bojkoti opozitar!

Kafeja e Shtërpcës dhe shtija në Ujëman- janë rekreacion i fund javës, mos i merrni seriozisht se çka shkruajnë për kafet e rastit!

Më seriozisht merreni protestën si instrumentin më serioz paqësor të demokracisë për ndryshim! Ka pasur mundësi që protesta të ishte më e organizuar e më serioze, por një pjesë e opozitës nuk është serioze.

Por, kjo opozitë, veç organizatorit nuk e ka në rend të parë ndryshimin, por pushtetin pa ndryshim. Sido që të jetë, bojkoti opozitar e dëmtoi instrumentin demokratik për ndryshim!

Dikush duhet ta nxjerr mësimin e duhur nga protesta e 29 shtatorit 2018!