Blunt dhe Real kanë qenë aktiv kohën e fundit në rrjete sociale me publikimin e disa videove me të cilat u bënin “diss” reperëve të tjerë, shkruan lajmi.net.

Dyshja në emisionin “n’Kosovë Show” kanë folur lidhur me këto video dhe arsyen e realizimit të videove me të cilat u bëjnë “diss” kolegëve.

Ata thonë se nuk u pëlqen muzika që bëjnë disa reperë të tjerë, të cilët i quajnë “kikirika”, kurse për muzikën thonë që janë 200 vjet para tyre dhe se kanë qëllim ‘zhdukjen’ e konkurrentëve.

Edhe kësaj radhe nuk kanë munguar “thumbimet” dedikuar reperëve të cilët javë më parë i kishin etiketuar edhe në video, duke thënë “ne nuk vishemi me Gucci”.

Më poshtë mund ta ndiqni intervistën e plotë të Blunt dhe Real, të cilët tanimë quhen me emrin artistik “Shaolin Gang”. /Lajmi.net/