Veseli shkruan në Facebook se rënia e Ilaz Kodrës është dëshmia më krenare e qëndresës së pashoq të shqiptarëve.

Ky është postimi i plotë i Veselit:

“19 vite më parë, në prag të lirisë, duke mbrojtur popullatën civile nga sulmet barbare të ushtrisë serbe, ra Ilaz Kodra, njëri nga themeluesit e Ushtrisë Çlirimtare të Kosovës dhe komandant i Brigadës 114 të saj.

Ato ditë të rënda, mijëra trupa armike, nga të katër anët, e kishin mbërthyer Drenicën, e cila, edhe pse e mbetur pa bukë e municione, nuk po dorëzohej e as nënshtrohej.

Rënia e Ilaz Kodrës është dëshmia më krenare e kësaj qendrese të pashoqe.

Sot, ne përkulemi me respekt para kujtimit të tij dhe mijëra dëshmorëve që dhanë jetën për Kosovën e lirë, të pavarur e sovrane”./Lajmi.net/