Fillon faza e dytë e projektit për Kodin Civil të Kosovës
Shefja e Zyrës së Bashkimit Evropian në Kosovë, Natalija Apostolova dhe Ministri i Drejtësisë, Abelard Tahiri, do të nisin projektin "Mbështetje për Kodin Civil të Kosovës" - faza 2.
Lajme
Projekti “Mbështetje për Kodin Civil – faza 2”, i financuar nga Bashkimi Evropian me më shumë se 2.3 milionë euro, vazhdon të mbështesë Ministrinë e Drejtësisë për të finalizuar Kodin Civil gjithëpërfshirës dhe të avansuar për Kosovën.
Drafti i parë është përgatitur nga projekti i mëparshëm i financuar nga BE-ja. Për të zhvilluar një proces të gjerë dhe konsultativ në tërë Kosovën, Ministria e Drejtësisë dhe ekipi i projektit do ta organizojnë lansimin dhe fillimin e konsultimeve në një konferencë që do të mbahet këtë të enjte në Prishtinë./Lajmi.net/