Prezantimi i kësaj supermakine u bë nga vetë Shefi Ekzekutiv i kompanisë gjermane Dieter Zetsche i shoqëruar nga 3 herë kampioni i botës në Formula 1, Lewis Hamilton.

“Prej kohësh kemi biseduar me stafin e Mercedes për një supermakinë të vërtetë ku është përdorur pak edhe nga teknologjia e Formula 1 dhe më në fund kjo u arrit”-tha Hamilton-Uroj Dieter Zietche. Mund të them se kjo makinë ka motorin me të cilin unë fitova titullin në vitin 2015 kështu që  ndjej pak edhe si krijesën time”.

Motori i kësaj makinë mund të arrijë deri në 11 mijë xhiro për minutë, vetëm pak mijë më pak se  ai i një makine të Formula 1. Në të njëjtën kohë kjo lloj makine ka në përbërje edhe 4 motorë elektrikë. /Lajmi.net/