Plagosja në Lezhë, Llalla: Ishte shumë e rëndë, kemi prova të mjaftueshme për ngjarjen
Prokurori i Përgjithshëm Adriatik Llalla pasi zhvilloi disa takime në Lezhë me prokurorët në këtë qytet, është nisur në drejtim të Shkodrës.
Lajme
Nga Shkodra ai është shprehur se incidenti i ndodhur në Lezhë, ku një aktivist i LSI-së është dhunuar, ishte shumë i rëndë.
Po ashtu, kreu i Prokurorisë ka deklaruar se janë mbledhur prova të mjaftueshme në lidhje me këtë ngjarje.
“Kemi grumbulluar prova të mjaftueshme për ngjarjen e Lezhës. Sa i përket situatës së përgjithshme pavarësisht ngjarjeve të fundit është e qetë. E rëndësishme është që qytetaret të votojnë të lirë dhe të ushtrojnë të drejtën e tyre ashtu siç edhe organet ligjzbatuese të jenë në gatishmëri dhe të kenë një sjellje korrekte”, deklaroi Llalla.