Se të rinjtë duhet të kenë vendin e tyre në subjektet politike dhe të jenë zëri i të sotmes, këtë tashmë kanë vendosur ta thonë përmes listës zgjedhore koalicioni PDK-AAK-Nisma, kanë pohuar zyrtarë brenda këtij koalicioni.

Ky koalicion ka kandiduar 12 persona nën moshën 35 vjeçare, të cilët presin të marrin besimin e qytetarëve për t’i përfaqësuar ata në një mandat katërvjeçar. Diellza Hoti është vetëm 22-vjeçare dhe tashmë ka marrë besim e subjektit të saj AAK-së për t’u kandiduar për deputete në Kuvendin e Kosovës.

Kësaj liste i shtohen edhe katër 31 vjeçar, si Andin Hoti, Mërgim Lushtaku, Xhyljeta Kuqi dhe Valentina Bajrami. Albulena Balaj-Halimaj është 32-vjeçare dhe hynë në këtë listë bashkë me Beatris Demirin si 34-vjeçare, Evgjeni Thaçi Dobroshi po ashtu 34-vjeçare. Bajram Hasani 35 vjeçar, Ardian Sejdiu 35 vjeçar, Jehona Shyti dhe Valdete Bajrami po ashtu 35-vjeçare e mbyllin listën e deputetëve më të rinj të koalicionit PDK-AAK-Nisma.