Ajo mbulon ngjarje të veçanta duke i planifikuar ato fillimisht, e më pas deri tek martesat, albumet familjare dhe ato për fëmijë, shkruan lajmi.net.

Aftësitë e saj për fotografi i kishte qysh e re në moshë, por familja dhe bashkëshorti i saj, janë përkrahësit e saj më të mëdhenj që ajo sot po realizon ëndrrën e saj.

Ajo punon me aparatin e saj Sony a6300 dhe gjithashtu me Nikon, e që fotografitë i bënë tejet profesionale.

Profesionin e saj ajo e kategorizon si një punë të përditshme e të palodhshme, që e bënë me dëshirë e vullnet, por asnjëherë duke i ikur detyrës së saj si nënë.

“Fotografia është një histori që nuk arrin ta thuash me fjalë”, tha ajo.

Kur fjalët bëhen të paqarta, ajo tregoi se përqendrohet tek fotografia, e më pas imazhet që ajo i nxjerr e bënë që në heshtje të vërehet kënaqësia.

Pasioni i saj më i madh është ai me fëmijët, për atë edhe punën më të madhe në fotosesione e bënë me fëmijët.

Por megjithatë, albumet familjare dhe ato të çifteve nuk i lë asnjëherë anash.

Ajo parapëlqen që prapaskenën në fotografi ta rregullojë vetë me dekorime, por sigurisht duke qenë gjithmonë në kontakt me prindërit apo personat adekuat që e kërkojnë fotografinë dhe që në fund ata të ndahen të kënaqur.

Kjo industri e gjerë dhe e panumërt, bënë që sot fotografët të kenë konkurrencë ndaj njëri tjetrit, por Fitorja tha që pasi përfaqëson vetëm vetën e saj, ajo nuk dëshiron të jetë konkurrente me askënd.

Fotografitë që ajo i realizon kanë gjithmonë një domethënie, madje me çdo fotografi ajo ka dëshirë ta jap një mesazh dhe të mbart një kujtim.

Fitorja tha për lajmi.net se tani për festat e fundvitit, interesimi i njerëzve për fotosesione është edhe më i madh.

Ata që kanë dëshirë të kenë kujtime edhe nga ky fundvit, fotografja i fton që të caktojnë ditët e tyre tek ajo dhe t’i realizojnë sa më mirë.

“Fotografia është një kujtim që kurrë nuk shuhet, një mënyrë e ndjenjës, e prekjes dhe e dashurisë, ajo që kapet në fotografi është kapur përgjithmonë, ajo kujton edhe gjërat më të vogla që dikur i keni harruar”, tha ndër të tjera ajo.

E për fund, ajo u bënë ftesë të gjithë atyre që e duan fotografinë dhe dëshirojnë të kenë realizime profesionale, e sidomos gjatë festave të fundvitit pasi është koha kur gjithçka është më e bukur dhe shumëngjyrëshe, prandaj edhe realizimi i tyre do të jetë më i bukur.

Për më tepër punën saj dhe fotografitë i gjeni edhe në linkun e mëposhtëm. /Lajmi.net

https://www.facebook.com/FitoreMajanciPhotography/