Leonardo DiCaprio është shumë afër çmimit shumë të merituar Oscar, këtë herë për rolin e tij në filmin’The Revenant’.

Aktori ka treguar shpesh se sa i vështirë ishte xhirimi i këtij filmi, sidomos për të ftohtin të cilin është dashur ta përjetonte, transmeton lajmi.net.

Por, këtë herë kompani filmike ‘FOX’ kanë nxjerrë pamje nga prapaskenat e filmit, ku janë koncentruar më shumë në maskimin që është dashur t’i bëhej Leos, para se të dilte në egërsirë.

Është zbuluar se janë dashur 4 deri në 5 orë grim, secilën ditë, para fillimit të xhirimeve, për të marrë plagët që i shkaktohen.

Filmi ‘The Revenant’ do të fillojë të shfaqet në ‘Kino ABC’ në Prishtinë nga data 21 janar./lajmi.net