Javën e kaluar, aktori që ka luajtur djaloshin e vogël Kevin në ‘Home Alone’, Macaulay Culkin, është parë në një video ku ka përsëritur rolin që e ka bërë të famshëm.

Këtë herë ai shfaqet si një i rritur e i traumatizuar nga ngjarjet që i kanë ndodhur atij në filma, kur është harruar i vetëm në shtëpi dhe është ndjekur nga dy hajdutë të shtëpive, transmeton lajmi.net.

Kevini i rritur kërcënon hajdutët, ndërsa njëri nga ta tani ka bërë një video ku shfaqet i tmerruar nga Kevin i frikshëm.

Daniel Stern, që ka luajtur rolin e Marv, bërtet duke thirrur kolegun e tij e duke i thënë: “Fëmija është kthyer – e kam parë në internet. Eja më gjej Harry, jam shumë i frikësuar”.

Ndërsa në fund bën një bërtitmë ku duket se Kevin e ka gjetur atë dhe është kthyer për hakmarrje.

Fansat e filmave janë ndarë shumë të kënaqur me këtë seri të videove që po bëjnë aktorët./lajmi.net