Aktori Paul Walker ka ndërruar jetë në një aksident më 30 nëntor të vitit 2013, derisa ai nuk kishte përfunduar ende xhirimet e të gjitha skenave.

Kështu, producentët kanë vendosur që të vazhdojnë me historinë e Brian O’Connor deri në fund të filmit, pa pasur nevojë për të gjetur një aktor që do ta zëvendësonte, transmeton lajmi.net.

Dy vëllezërit e Walker kanë xhiruar skenat e mbetura të vëllait të tij ndërsa me anë të teknologjisë dhe efekteve speciale, ata ia kanë arritur që ta sjellin me sukses pamjen e Paul në film.

Tani, Hollywood Reporter ka nxjerrë detajet se si vëllezërve të tij i është zëvendësuar fytyra me atë të vëllait Paul, transmeton lajmi.net

Në fotografinë 1 shihet skena e xhiruar nga Caleb Walker, fotoja 2 tregon një nga skenat që Paul ka xhiruar më herët, por që nuk është përdorur. Tek 3 shihet se si ata e kanë bërë fytyrën e tij të duket sikur është fotografuar gjatë ditës për të zëvendësuar me atë të Caleb, ku rezultati shihet në fotografinë 4.

Filmi ‘Furious 7’ ka dalë të jetë një sukses i vërtetë i këtij viti, pasi ka mbledhur 1,7 miliardë dollarë gjatë kohës së shfaqjes në kinema./lajmi.net