Gazetari i RTK-së, Milaim Zeka, i cili ka vizituar zonën pas përfundimit të përleshjes së armatosur, ka postuar në Facebook, pjesë nga rrëfimi i një të riu i cili kishte bërë të pamundurën për të mbrojtur prindërit e tij nga plumbat.

Djali edhe pse ishte plagosur në krah, nuk ishte dorëzuar për asnjë moment deri në largimin e familjarëve të tij nga zona e përleshjes së armatosur.

“Pas gjashtë orë maltretimesh, edhe me vëllezërit e verbër, policia nuk e kishte dërguar në spital”, shkruan gazetari Zeka.

Përveç shkatërrimit të shtëpive nga plumbat dhe granatimet, shumë familjeve u janë vrarë e dëmtuar edhe bagëtitë nga të cilat e sigurojnë ushqimin. (lajmi.net)