Fernando Torres është i uritur për një fitore të re ndaj Real Madridit.

Sulmuesi i rikthyer në Atletico Madrid shënoi tre gola në dy duele kundër Los Blancos në kuadër të Copa del Rey. Andaj, ai synon t’i mposht sërish të shtunën në Vicente Calderon në kuadër të La Ligës.

“Do të luajmë për fitore”, deklaroi Torres për të përditshmen sportive madrilene “AS”.

“Jemi të vetëdijshëm se na pret një ndeshje e vështirë, por besojmë në aftësitë tona dhe e dimë se kemi armë për t’i mposhtur”, u shpreh ai. 

Fernando Torres është duke shikuar që të debutojë me fanellën e skuadrës së tij të re, pikërisht në takimin ndaj Real Madridit në Copa del Rey.

“Shpresoj që zoti do të dëshirojë që unë të debutojë pikërisht në takimin ndaj Real Madridit”, ishte përgjigja e Torresit kur u pyet nga gazetarët për prospektin e përballjes me Kampionët e Europës.

“Jam shumë i lumtur që jam rikthyer te Atletico Madridi. I jam shumë falënderues atyre”, ishin fjalët e fundit të sulmuesit spanjoll, i cili u huazua te Atletico nga skuadra e Milanit.