Luan Shllaku, kryetar i grupit parlamentar të AKR-së, në Gjakovë dhe Nevruz Bajrami, anëtarë i kryesisë së PDK-së, në fshatin Molliq të Gjakovës e kanë të kryer vetëm shkollën e mesme, kurse japin mësim në shkollat e mesmet të larta të Gjakovës.

Dhe këta nuk janë personat e vetme të pakualifikuar që kanë zënë vende në shkollat e kësaj komune, shkruan gazeta Zëri.

Megjithatë, për shkak të përfshirjes në politikë emrat e Luan Shllakut dhe Nevruz Bajrami si të punësuar jashtë kritereve në cilësi të mësimdhënësve në shkolla të mesme janë përmendur në një mbledhje të Kuvendit komunal të Gjakovës.