Selver Lenjani dhe Fadil Kastrati që janë përfaqësues të dy karaqevave thonë për rajonipress se kjo hartë vërtet po ngritë shumë dilema dhe paqartësi tek banorët. 

Selver Lenjani ka thënë se sipas hartës së KFOR-it e cila ka paraqitur edhe një baypass, Kosovës i rrezikohen rreth 20 mijë hektar tokë. “Ky bypass e përfshinë vendin e quajtur “Ugari” e deri tek “Varret e Spahoviqe”. Nëse shihet ana gjeografike Kosovës i rrëmbehen 20 mijë hektar tokë. Nëse do ta shfrytëzonte NATO këtë pjesë për nevojat e saja ose për nevojat e policisë kufitare do të ishte krejt në rregull, por ne nuk lejojmë që ai territor të shfrytëzohet për nevojat e Serbisë” tha Lenjani. 

Edhe Kastrati profesor nga Karaqeva thotë se KFOR-i duhet të sqarohet dhe të japi detaje rreth kësaj harte. “Ne do të kërkojmë një takim urgjent edhe me KFOR-in edhe me policinë dhe besoj edhe me Begzad Sinanin sepse harta ngjallë dilema të shumta” tha Kastrati.