Ish trajneri argjentinas, Cesar Luis Menotti ka lavdëruar sulmuesin e Barcelonës, Lionel Messi, të cilin e konsideron si futbollistin më të mirë në botë.

Cristiano Ronaldo e fitoi Topin e Artë të hënën për herë të dytë me radhë dhe të tretën në karrierën e tij.

Por, Menotti beson se Messi është më i miri.

“Vazhdoj të mendoj se Messi është më i miri në botë, ka një magji speciale. Ai merr pjesë më tepër në lojë kolektive se sa Cristiano Ronaldo”, deklaroi Menotti për “Cadena Ser”.

“Topi i Artë për Cristiano Ronaldon ishte i drejtë, edhe pse kam dëshiruar ta fitojë Neuer”, u shpreh ai.