Në këtë shkrim autorial për këtë universitet prestigjioz, Thaçi shpjegon rrethanat në të cilat është krijuar qeveria e re e Kosovës duke cituar edhe Sekretarin e Shtetit të SHBA John Kerry i cili ka thënë se “ky koalicion qeverisës i Kosovës si dhe procesi që e formoi koalicionin janë dëshmi e fuqisë dhe vitalitetit të institucioneve politike dhe demokratike të Kosovës”.

Më vonë Zëvendës Kryeministri Thaçi poashtu përshkruan gjashtë prioritetet kryesore të diplomacisë kosovare: ai e quan procesin e anëtarësimit në Bashkimin Europian si komponenti më i rëndësishëm të reformave tona të brendshme dhe të jashtme. Fusha e dytë është “krijimi i Forcave të Armatosura të Kosovës si një forcë jo-ofensive që do të jetë në gjendje të zbatojë detyrat në bazë të Kushtetutës dhe nën kontroll të plotë civil. Krijimi i Forcave të Armatosura si një komponent multietnik të Kosovës dhe arkitekturës rajonale të sigurisë do të bazohet në Rishikimin e Strategjisë së Sigurisë e cila u zbatua në bashkëpunim me partnerët e NATO-së.”

Prioriteti i tretë është krijimi i një Gjykatë të Specializuar që do të ketë një dhomë në një vend europian për të siguruar hetime transparente dhe të besueshme dhe aktakuzat e mundshme që mund të rrjedhin nga puna e Task Forcës Speciale Hetimore. Sipas dyshit të Qeverisë kosovare, prioriteti i katërt i ndërveprimit ndërkombëtar është “procedimi me aplikimin për anëtarësim në Këshillin e Europës.” Në listën e prioriteteve të obligimeve ndërkombëtare është edhe veprimet drejt asaj qe “shteti i kosoves do te shkojë përpara me njohje të tjera dypalëshe dhe shumëpalëshe”. Thaçi tregon se Kosova tashmë është njohur nga 108 shtete deri tani nga të gjitha pjesët e botës, ndërsa pasaporta e Kosovës dhe dokumentet personale janë njohur nga mbi 170 shtete në mbarë botën.

Thaçi poashtu ka konfirmuar se do te vazhdohet me investime ne diplomaci publike: “Ne do të vazhdojmë me programe të reja dhe inovative në diplomaci publike dhe digjitale që e kanë marrë vëmendjen globale në qarqet diplomatike dhe mediatike.”

Prioriteti tjetër i rëndësishëm është edhe diplomacia ekonomike. Thaçi pohon se “diplomacia jonë do të jetë gjithashtu si një mjet për tërheqjen e investimeve të huaja direkte në republikën tonë. Si një ish-kryeministër, unë e di se investitorët e shumtë të interesuar në Kosovë kishin frikë nga imazhi i saj i pasluftës. Duke forcuar portofolin e mjeteve të diplomacisë ekonomike, ne synojmë në sigurimin e investitorëve të potencialit ekonomik të Kosovës”. (lajmi.net)