Diego Pablo Simeone e ka shkruar emrin e tij me shkronja të arta, në histori të Atlético de Madrid.

Trajneri argjentinas, pasi e fitoi Superkupën e Spanjës, arriti në kuotën e 5 trofeve për vetëm dy vjet e nëntë muaj, që kur e kishte marrë në dorë ekipin nga Vicente Calderon.

‘El Cholo’ e ka rrëmbyer një Europa League, një Superkupë të Evropës, një Copa del Rey, një titull në La Liga dhe tash Superkupën e Spanjës.

Gjithashtu, e ka lëshuar për pak rastin të fitonte edhe në dy raste, kur kishte humbur në finale të Superkupës së Spanjës vitin e kaluar nga Barcelona dhe në finale të Ligës së Kampionëve nga Real Madridi.

Me Simeonen, Atletico është ekip i ‘tmerrshëm’ për kundërshtarët. Në përgjithësi, Los Colchoneros i kanë fituar 30 tituj zyrtarë, në histori të tyre.

Kjo Atlético është tashmë më e mira në histori. Pas fitores në Valencia, ‘Los Rojiblancos’ kanë arritur në kuotën e 88 pikëve, një shifër kjo e paarritur ndonjëherë në 111 vjet histori të klubit madrilen.

Rekordi mbahej nga sezoni 1995/96, kur ky ekip i fitonte dy trofe. Në atë koha, La Liga përmbante 22 ekipe dhe sezoni përfundonte pas 42 ndeshjesh.

Në atë periudhë, ekipi kishte grumbulluar 73 pikë. Sa u përket fitoreve, Atletico po ashtu e ka regjistruar një rekord. 

Në periudhën e Radomir Antic, pra në sezonin kur ky ekip u shpall kampion, ‘Los Colchoneros’ kishin regjistruar 26 fitore nga 42 ndeshje, ndërsa në periudhën e tashme me Diego Simeonen, Atletico i ka fituar 28 ndeshje nga 34 ndeshje.

Edhe sa u përket golave, gjithçka po shkon drejt rekordin. Ekipi aktual ka realizuar 75 gola, numër të njëjtë sa kishin shënuar Penev, Kiko dhe shokët, 18 vjet më parë, por që ata i kishin zhvilluar tetë ndeshje më shumë.