Nënkryetari Ahmet Isufi ka thënë për “Zëri” se Blloku po pret që Gjykata Kushtetuese të merr një vendim, e më pas takimet me Vetëvendosjen do të intensifikohen, në mënyrë që të arrihet një marrëveshje për bashkëqeverisje.

 “Pritja e vendimit të gjykatës po bëhet për faktin se duhet të konkretizohen gjërat dhe më pas të veprohet”.

“Në momentin që vendos Gjykata, takimet do të intensifikohen me Vetëvendosjen dhe qëndrimet do të përafron në mes palëve që të kemi një qeveri stabile”, ka thënë Isufi.

Edhe  Rexhep Selimi nga Vetëvendosje mendon se mos dërgimi i ndonjë ftese për takim me partinë e tij, ka ardhur si pasojë e pritjes së vendimit të Kushtetueses.

“Arsyeja mund të jetë edhe ngërçi politik i krijuar nga Gjykata Kushtetuese apo edhe mospranimi i kritereve tona nga ana e tyre”, ka thënë Selimi, shkruan “Zëri”.