Pikërisht në mbrëmjen kur realizoi het-trik që e kualifikoi Zvicrën tutje nga Grupi E i Kampionatit botëror në Brazil është bërë një hap tjetër i madh, e i rëndësishëm në karrierën e Xherdan Shaqirit.

Vëllai dhe njëkohësisht menaxheri i tij është takuar me drejtuesit e Liverpoolit për të diskutuar rreth transferimit të yllit kosovar në Anfield, gjatë këtij afati kalimtar të verës, ka njoftuar eksperti i tregut të futbollistëve, gazetari i Sky Sport, Gianluca di Marzio.

Temë e diskutimit kanë qenë detajet financiare të kontratës pasi futbollisti tashmë ka dhënë pëlqimin për të vazhduar karrierën në Premierligë.

Lamtumira nga Bayern Munich dhe Pep Guardiola po afron, Shaqiri do ta provojë veten në Premierligë.