Qendërmbrojtësi i Paris Saint-Germain, Marquinhos do të jetë përforcimi i ri i Barcelonës gjatë këtij afati kalimtar të verës, ka njoftuar e përditshmja sportive madrilene AS.

Ylli i ri brazilian do të largohet nga Parc des Princes pas ardhjes së David Luizit nga Chelsea. Mirëpo, ai do të bëjë një hap edhe më të madh në karrierën e tij duke iu bashkuar gjigantit katalan.

Barcelona, me trajnerin e ri Luis Enrique është në kërkim të një pasardhësi për legjendën Carles Puyol, i cili u pensionua nga futbolli pas përfundimit të sezonit.

Dhe, drejtuesit e gjigantit nga Camp Nou dhe homologët e tyre nga Parisi thuhet se janë shumë pranë finalizimit të marrëveshjes për transferimin e Marquinhos në Barcelonë.