Gjithmonë kanë qenë kreativë, interesant dhe të hareshëm.  Për këtë sezon të verës grupi NRG Band kanë vendosur të vijnë me një videoklip më ndryshe, megjithëse stilin e tyre të këngës e kanë ruajtur.

Në klip shihet frontmeni i grupit, Besnik Qaka, i cili ec nëpër sheshin e Prishtinës duke kënduar, duke ecur dhe duke ‘rregulluar’ gjërat e hedhura nëpër shesh.

Në fakt, është Besniku ai i cili ka ecur mbrapsht dhe është xhiruar e i ka bërë gjithë ato manovra, ndërsa video e xhiruar vetëm luhet nga fundi.

Kështu në shesh mund të vërejmë Besnikun dhe disa nga aktorët që ecin mbarë, ndërsa gjithë njerëzit e tjerë dhe kalimtarët e rastit nëpër shesh shihen të shkojnë mbrapsht.