Parulla naziste në xhaminë në ndërtim të shqiptarëve
Në kantierin ku është duke u ndërtuar një qendër e besimtarëve myslimanë shqiptarë, në Payerne të kantonit Vaud të Zvicrës, janë vizatuar parulla neonaziste dhe kryqe të thyera, simbole të nazizmit.
Bota
Ky është vetëm fillimi, shkruan në njërën nga parullat e vendosura nç kantierin e xhamisë në ndërtim, ndërsa në tjetrën bëhet fjalë edhe për “Natën e kristaltë”, referim ky për aksionin nazist kundër hebrenjve në vitet ‘30 të shekullit të kaluar në Gjermani.
Kryetarja e Komunës Payerne, Christelle Luisier e ka dënuar ashpër këtë akt vandal. Ndërkohë, pronarët e ndërtimit janë duke shqyrtuar mundësinë për të bërë kallëzim penal ndaj personave të panjohur. Edhe kryetarja e Komunës i ka trimëruar ata për ta ndërmarrë këtë hap pasi që, ka thënë ajo, vandalizmi është veprim që gjykohet.
Qendra e besimtarëve myslimanë ishte planifikuar të hapet gjatë kësaj vere, shkruan gazeta \”La Libertè\”.
Në kuadrin e saj është edhe një dhomë për lutje, ku ka vend për gjithsej rreth 50 persona, transmeton Albinfo.