“Siç e dimë të gjithë, palestinezët janë ndër popullatat me historinë më të gjatë të dëbimit. Në Gaza sot situata është e tmerrshme dhe ne kemi ardhur këtu ti integrojmë palestinezët në filmin tonë” thotë Weiwei.

41 milionë njerëz janë larguar nga shtëpitë e tyre për shkak të një konflikti apo katastrofe natyrore, sipas raporteve të fundit.

Weiwei ka vizituar një periferi të Gazës e cila ishte bombarduar nga Izraeli para dy vitesh. Ai qëndroi edhe në pjesën e kufirit me Egjiptin, mbyllur tash e tri vite. Weiwei ka qenë në arrest shtëpiak në Kinë për disa vite, deri vitin e kaluar, ndërsa tani po udhëton nëpër Evropë për t’iu ndihmuar refugjatëve.

“Jam i tmerruar me Evropën, e cila është sillë më së paku si shoqëri që mund të ofrojë empati dhe ndihmë esenciale për këta njerëz të pafat. Ky është test i humanitetit” tregon Weiwei.

Ai ka rreth 600 orë të intervistave me refugjatë, politikanë, grupe joqeveritare dhe priftërinj. Filmi do të dalë vitin tjetër./kultplus