Kryetari i Partisë Demokratike të Kosovës, Memli Krasniqi ka bërë homazhe sot në Kompleksin Memorial në Marinë, për të nderuar heronjtë Rasim Kiçina dhe Ragip Halilaj, në 25 vjetorin e rënies së tyre në altarin e lirisë.

Ai tha se rënia e heronjve Kiçina dhe Halilaj, janë ideali për Kosovën e lirë dhe të pavarur.

“Sot, me kolegë e bashkëpunëtorë nga Partia Demokratike e Kosovës bëmë homazhe në Kompleksin Memorial në Marinë, për të nderuar heronjtë Rasim Kiçina dhe Ragip Halilaj, në 25 vjetorin e rënies së tyre në altarin e lirisë.

Ideali për Kosovën e lirë e të pavarur, për të cilin ata u flijuan – është dëshmi se atdheu për ta ishte mbi të gjitha.

E përjetshme qoftë lavdia për heronjtë Rasim Kiçina e Ragip Halilaj!”