Kanë përfunduar edhe dy ndeshjet në Superligën e Kosovës.

Trepça `89 i ka marrë një pikë të rëndësishme Gjilanit, pasi ndeshja u mbyll 1:1.

Ishte minuta e pestë, kur Lulzim Peci i ’89-shit duke dashur ta largojë topin, e goditi në fytyrë mbrojtësin e gjilanasve.

Duket se ai mori një tronditje pas goditjes, pasi ra menjëherë në tokë, ndonëse dukej se goditja nuk ishte e qëllimshme.

Peci u ndëshkua me karton të kuq pas rishikimit në VAR.

Në anën tjetër, Islami u largua me ambulancë për të marrë trajtim të mëtutjeshëm.

Po rridhte minuta e 42` kur sfidën e zhbllokojë Baton Zabergja, duke i dhuruar epërsinë gjilanasve.

Pjesa e parë u mbyll 1:0 në favor të Gjilanit.

Në pjesën e dytë mitrovicasit arritën të barazojnë, me anë të Mba në minutën e 51`.

Me këtë barazim Gjilani ka 19 pikë në vendin e katërt, kurse Trepça `89 ka 11 në pozitën e tetë.

Edhe ndeshja Drenica – Malisheva u mbyll baras, pa gola.

Përkundër që skuadrat u munduan të kalojnë në epërsi, u mungoi konkretizimi.

Drenica pas barazimit pozicionohet në vendin e pestë me 16 pikë, kurse Malisheva ka 12 në pozitën e shtatë./Lajmi.net/