Raportimet për dhunën në familje çdo ditë prekin shifra shqetësuese.

Tri raste të dhunës në familje janë raportuar në Policinë e Kosovës vetëm për 24 orët që lamë mbrapa.

Njëri nga rastet ka ndodhur në Fushë Kosovë, e dy rastet e tjera në qytetin e Gjakovës.

DHUNË NË FAMILJE

Fushë Kosovë 28.11.2024-23:50. Me 03.12.2024 është arrestuar i dyshuari mashkull kosovar, pasi që kishte sulmuar fizikisht bashkëshorten e tij. Viktima ka pranuar tretman mjekësor. Me vendim të prokurorit i dyshuari është dërguar në mbajtje

Gjakovë 03.12.2024 – 10:30. Janë arrestuar dy të dyshuar,  një mashkull dhe një femër (bashkëshort), pasi që ishin përleshur në mes vete. Të njëjtit kanë pranuar tretman mjekësor. Me vendim të prokurorit, i dyshuari mashkull është dërguar në mbajtje, ndërsa e dyshuara është liruar në procedurë të rregullt.

Gjakovë 03.12.2024-21:00. Është arrestuar i dyshuari mashkull kosovar, pasi që i njëjti nën ndikim të alkoolit ka shqetësuar familjaret duke krijuar probleme në shtëpi. Me vendim të prokurorit, i dyshuari është dërguar në mbajtje./Lajmi.net