“Nëse vritem unë, ti ski me u dorzu”, kështu e nis rrefimin për bashkëshortin e rënë dëshmorin Selver Maqkaj nga Prizreni gruaja e tij, Xhyhere Maqkaj.

Si mbajtëse e një familjeje nëntë anëtarëshe, Maqkaj flet për rrugën se si bashkëshorti vendosi t’i bashkangjitet si luftëtarë në shërbim të mbrojtjes së atdheut dhe sfidat që u desh të përballojë ajo pasi mbeti e vetmja që duhej të përkujdesej për familjen.

“Barra e familjes mka mbetë mu me i mbajtë nëntë anëtarë”, u shpreh ajo.

Maqkaj thotë që i është dashur të punojë nga mëngjesi deri në mbrëmje për rritjen dhe edukimin e fëmijëve.

“Vështirësi kam pas, ka pas raste kur kam thanë që nuk mundem ma e du me u dorzu. Mirëpo ëndërr e kam pa Selverin që m’ka thanë ti nuk bon me u dorzu. E kam hap auto shkollën, përmes saj i kam rritë fëmijët”, tha ajo.

Ajo në fund ka një mesazh për gjeneratat e reja.

“Mbane vendin e juj e para. Punoni dhe luftoni për vendin e juj se ktu luftoni dhe këtu përparoni”, përfundoi ajo. /Lajmi.net/

Video: