Artistët, Nick Jonas dhe Priyanka Copra, kanë paditur kompaninë ndërtuese të shtëpisë së tyre pasi që panë se ndërtimi u bë me shumë defekte, raporton “TMZ”. Shuma e dëmit të supozuar nuk dihet, por ata pretendojnë se duhet të jetë se paku 2.5 milionë dollarë.

Ata kanë thënë se nuk po mund të jetojnë në shtëpinë që e kanë blerë në vitin 2019, pasi që ndërtesa ka shumë probleme, duke përfshirë mykun.

Në padinë e çiftit thuhet se është e rrezikshme për shëndetit të jetuarit në atë shtëpi e gjithashtu do t’u kushtonte atyre shuma të mëdha parash për ta riparuar.