Tre persona janë arrestuar në Fushë Kosovë, pasi dy prej tyre dyshohen se kanë kryer një seri vjedhjesh në lokacione të ndryshme, ndërsa i treti dyshohet se ka pranuar sendet e vjedhura.

Sipas raportit 24-orësh të Policisë së Kosovës, aksioni është zhvilluar pas hetimeve lidhur me rastet e vjedhjeve të ndodhura gjatë periudhës 23-29 qershor.

Me vendim të prokurorit, pas intervistimit, dy të dyshuarit për kryerjen e vjedhjeve janë dërguar në mbajtje, ndërsa i dyshuari për pranimin e sendeve të vjedhura është liruar në procedurë të rregullt.

Hetimet për rastin janë duke vazhduar.

Njoftimi i plotë:

Fushë Kosovë 23-29.06.2026, NN. Janë arrestuar tre të dyshuar mashkuj kosovarë, pasi dy nga të dyshuarit kishin kryer vjedhje në disa lokacione të ndryshme, ndërsa njëri nga të dyshuarit kishte pranuar sendet e vjedhura. Me vendim të prokurorit pas intervistimit dy të dyshuarit që kanë kryer vjedhjet janë dërguar në mbajtje, ndërsa njëri nga të dyshuarit i cili kishte pranuar sendet e vjedhura është liruar në procedurë të rregullt. /Lajmi.net/