Kryetari i LDK-së, Lumir Abdixhiku në një konferencë për media pas rezultatit të zgjedhjeve të sotme, është pyetur për rezultatin, i cili është i barabartë me atë të zgjedhjeve të shkurtit të 2025-tës.

Ai ka thënë se janë rritur për 5% nga zgjedhjet e 28 dhjetorit.

“Në klasë të pestë mësohet se 18shi është më i madh se 13shi. Janë 20 mandate. Me krenari më të madhe jam i lumtur që e kemi nis projektin e bashkimit. Për një muaj fushatë ky rezultat ishte i shkëlqyeshëm”, ka thënë Abdixhiku.

Ai ka thënë se meritojnë vlerësim për këtë rritje.

“Sikurse çdo parti tjetër të rriste bazën e vet sikurse ka bërë LDK-ja, besoni do të meritonte vlerësimet më të larta.  Prandaj, rritja jonë është motivi më i madh që kemi sot”, ka thënë Abdixhiku. /Lajmi.net/