Këtë muaj, pra më 14 nëntor, hëna do të jetë shumë afër me tokën dhe do të duket 14 për qind më e madhe dhe 30 për qind më e ndritshme sesa në një mbrëmje të zakonshme.

Si pasojë, fotografë profesionistë dhe amatorë do të përdorin këtë ditë për të realizuar disa shkrepje të mahnitshme me aparatet e tyre. Viti 2016 është karakterizuar nga të ashtuquajtura “super hënat”.

Në lidhje me këtë, në kalendarin e NASA-s tri datat e shënuara për fenomenet e lidhura me të janë 16 tetor, 14 nëntor dhe 14 dhjetor, por ajo e muajit nëntor mbahet si më e rralla, transmeton shekulli.

Më 14 nëntor, hëna do të jetë 48 mijë kilometra larg tokës, por prezenca e saj do të ndihet shumë pranë. Gjithashtu tremujori i fundit i vitit 2016 është një moment i shënuar për të gjithë personat që besojnë tek fuqitë e universit, pasi sipas disa teorive supersticioze, hëna e re e muajit nëntor do të sjellë energji dhe zhvillime të reja.