Manchester United është duke u bërë gati të ofrojë 125 milionë euro për transferimin e yllut të Real Madridit, Angel di Maria.

Sipas tabloidit britanik “Daily Mail”, gjiganti nga Old Trafford synon të blejë reprezentuesin argjentinas me një ofertë prej 62.5 milionë euro. Kurse, edhe po aq, 62.5 milionë euro do t’i ofrohen atij në formë të pagës në kontratë afatgjate duke e bërë marrëveshjen në një total prej 125 milionë euro.

Di Maria spekulohet se mund të largohet nga Real Madrid në ditët e fundit të këtij afati kalimtar të verës pas ardhjes së James Rodriguez nga Monaco që do t’ia kufizojë edhe më tepër minutazhin e tij në Santiago Bernabeu.

Di Maria vazhdon të kërkohet edhe nga kampioni i Liguë 1, Paris Saint-Germain.