Kafenetë, restorantet, dyqanet jo ushqimore, kinematë dhe teatrot do të duhet të mbyllen në periudhën nga ora 17.00 deri në orën 5.00, raporton AP.

Masat kufizuese hynë në fuqi disa orë pasi ministri i Shëndetësisë Hugo de Jonge njoftoi se 13 pasagjerë që mbërritën në aeroportin Shipol të premten ishin pozitivë për variantin e ri.

Ai u bëri thirrje pasagjerëve të tjerë që mbërritën këtë javë nga Afrika e Jugut që të testohen gjithashtu.

De Jonge nuk përjashtoi mundësinë e futjes së masave edhe më të forta që do të vlejnë edhe gjatë Krishtlindjeve.

Më herët gjatë ditës, një prani e fortë e policisë u vu re në qytetin lindor të Nijmegen, përpara një proteste të ndaluar kundër antikiteteve.

Policia tha se ka arrestuar ose përzënë disa persona gjatë kontrolleve në rrugët për në qytet.