Dhe kështu kjo çështje ngrit pyetjen, se si vdekja e tij ka ndikuar në udhëheqësin e ardhshëm të Gjermanisë naziste, transmeton Telegrafi.

“Besohej se Hitleri ishte fëmija i katërt nga gjashtë sa ishin në familjen e tij, por të dhënat nga Braunau am Inna, qytet në pjesën veriore të Austrisë ku edhe kishte lindur, tregojnë se në fakt ai ishte fëmija i tretë, ka deklaruar historiani Florian Kotanko për Oberoesterreichische Nachrischten.

Otto Hitler, vëllai i Adolf Hitler që besohet se kishte lindur para tij, në fakt ka lindur tre vjet më vonë, më saktësisht më 17 qershor të vitit 1892. Ai vdiq gjashtë ditë më vonë nga hidrocefalusi, apo fryrja e trurit, ka shtuar Kotanko.

“Konstatimet e shumta rreth biografisë së Hitlerit dhe zhvillimit të tij mendor se ai ishte i preferuari i nënës së tij Clare, si fëmija i vetëm i mbijetuar pas vdekjes se tre prej tyre, nuk janë më të qëndrueshme”, ka shtuar ai.