Disa prej tyre thonë se bëhet fjalë për alkoolin, disa nuk e pinë fare, disa njëqindvjeçarë përmendin rëndësinë e gjumit të rregullt, ndërsa disa të tjerë deklarojnë se flenë shumë pak.

Megjithatë, jetëgjatësia e tyre ka shumë lidhje me gjenet e mira, dhe hulumtuesit tani sugjerojnë se kjo përzierje e komplikuar e mënyrës së jetesës dhe gjenetikës mund të zbulohet në sajë të testeve të gjakut dhe progresit në fushën e katalogimit të biomarkerëve, raporton “Live Science”.

“Shumë nga parashikimet dhe pragjet e rrezikut janë të lidhura tashmë me parashikimin e shfaqjes së sëmundjeve të caktuara. Ne kemi bërë hapin e ardhshëm që tregon se paarqitja e modeleve të veçanta në grupe të ndryshme të biomarkerëve mund të tregojë se si një person do të plaket dhe cilat rreziqe janë të lidhura me sëmundjet dhe sindromat në raport me moshën e caktuar”, tha autori kryesor i studimit për “Science Daily”.

Hulumtuesit kanë matur nivelet e 19 biomarkerëve të ndryshëm në gjakun e më shumë se 4700 të anketuarve në mes moshës 30 dhe 110 vjet. Ata gjetën gjendjen e sistemit imunitar të pacientëve, si dhe metabolizmin dhe funksionin e veshkave.

Duke shqyrtuar gjendjen e shëndetit të pjesëmarrësve të studimit, duke përfshirë shkallën e pjesëmarrjes së sëmundjeve, shkencëtarët kanë identifikuar 26 biomarkerë që parashikojnë funksionimin më të mirë fizik dhe njohës të organizëmit, shkallën më të lartë të rrezikut për diabet tip 2, etj. Ata theksojnë se me një kuptim më të mirë të biomarkerëve të ndryshëm një ditë me ndihmën e testit të gjakut mund të mësojmë për cilat sëmundje mbajmë rrezikun edhe para shfaqjes së simptomave, shkruan Science 2.0.

Në këtë mënyrë, ne mund të prodhojmë ilaçe të efektshme për sëmundje të ndryshme shumë më shpejt se që e bëjmë sot.

Hulumtimi është publikuar në revistën Aging Cell./GazetaExpress/.