Kështu thuhet në raportin e Agjencisë së Statistikave të Kosovës (ASK) në publikimin “Bruto Produktin Vendor” (BPV) sipas aktiviteteve ekonomike për vitin 2013 me çmime aktuale dhe konstante (me çmime të vitit paraprak) për vitet 2008-2013, raporton KosovaPress.

Në këtë publikim janë zbatuar klasifikimet e reja të aktiviteteve ekonomike sipas NACE Rev. 2.

Të dhënat e BPV-së sipas aktiviteteve ekonomike për periudhën 2008-2012 janë rishikuar për shkak të zbatimit të sistemit të ri të Llogarive Kombëtare ESA 2010, burimeve të reja të të dhënave, zhvillimit të Llogarive Ekonomike Bujqësore, revidimit të të dhënave të bilancit të pagesave, të dhënave më të detajuara për shpenzimet qeveritare dhe përmirësimit të metodave për përpilimin e Llogarive Kombëtare.

Rishikimi dhe përmirësimet në vlerësimin e BPV-së thuhet se do të vazhdojnë edhe më tutje, me qëllim të sigurimit të qëndrueshmërisë së të dhënave statistikore dhe administrative, si dhe aplikimit të metodave në përputhje me kërkesat e ESA 2010.