“Jemi duke pritur në ethe për këtë vendim jashtëzakonisht të rëndësishëm për Kosovën. Nesër do të kulminonte një pranim i Kosovës, do të kulminonte një punë e jashtëzakonshme nga Policia e Kosovës. Ka pasur një punë të disa qeverive. Me ndihmën e miqve tanë ndërkombëtarë, Gjermanisë, Britanisë së Madhe – që kanë qenë të angazhuar për sigurimin e votave po shpresojmë që nesër të na vjen lajmi i duhur”, ka thënë Sejdiu.

“Institucionet e Kosovës kanë përmbushur kriteret. Tash ka mbetur beteja diplomatike sepse shohim betejën që bën Serbia kundër Kosovës. Diçka që po e vështirëson punën tonë është çështja e temës së hapur për kufijtë që Serbia po e prezanton si mbyllje të statusit final”.

Sejdiu ka thënë në Klan Kosova se beteja diplomatike është duke u bërë në disa sfera.

“Çdo anëtarësim nëpër organizata e forcon shtetin e Kosovës. Kosova bëhet pjesë e një rrjeti global në këtë rast. Kosova bëhet pjesë e kësaj familjeje dhe do të ketë shumë më të lehtë qasjen e informatave në këtë rrejt”.

“Serbia do ta minojë çdo që gjë me Kosovën si shtet. Prej përfundimit të luftës nuk i kanë adresuar krimet e luftës që i kanë kryer kriminelët serbë që janë edhe pjesë e institucioneve serbe. Ne duhet të kuptojmë që Serbia është në gjendje të abuzojë me çdo mundësi që ta shkatërrojë shtetësinë e Kosovës. Me anëtarësimin e Kosovës në Interpol do të eliminohet mundësia që Serbia të ndërmarrë veprime të ndryshme. Qasja e Serbisë ka qenë armiqësore ndaj Kosovës”.