PSP: Gruevskit të gjykohet në mungesë, paraburgim për të gjithë të akuzuarit në rastin “Trajektorja”
Në Gjykatën Penale sot vazhdon gjykimi për lëndën “Trajektorja” ku të akuzuar janë disa ish-funksionarë për shkeljen autorizimeve gjatë zgjedhjes së kompanisë për ndërtimin e pjesë rrugore Shtip-Ohër.
Lajme
Në fillim të seancës, gjykatësi lexoi njoftimin e MPB-së hungareze ku vërtetohet se Gruevski është në Hungari, pas së cilës prokurorja Lile Stefanova kërkoi që Gruevski të gjykohet në mungesë.
Stefanova gjithashtu kërkoi paraburgim për të gjithë të akuzuarit në këtë lëndë. Kurse avokati Ellenko Millanov kërkoi që Gruevski të gjykohet në procedurë të ndarë.
Në “Trajektore” akuzohen ish-kryeministri Nikolla Gruevski, ish-zëvendëskryeministri Vlladimir Peshevski, ish-ministri i Transportit dhe Lidhjeve Mile Janakievski dhe ish-drejtori për Rrugë Shtetërore, Lupço Georgievski, se në vitin 2012/2013 i kanë tejkaluar autorizimet e tyre në procedurën për përzgjedhjen e kompanisë për ndërtimin e pjesëve të autostradës deri në Shtip dhe Ohër.