Promovohet libri biografik për Hashim Thaçin në Londër /Foto-Video – Lajmi.net
Promovohet libri biografik për Hashim Thaçin në Londër /Foto-Video
Autori: Lajmi.net LajmePolitikë 18:24, 13 March 2018
Presidenti i Republikës së Kosovës, Hashim Thaçi, ka marrë pjesë në promovimin e Librit “New State, Modern Stateman” i shkruar nga gazetarët britanik, Roger Boys dhe Suzy Jagger.

Në praninë e ministrit për zhvillim ndërkombëtar, Lord Michael Bates, ish sekretarit të NATO-s, Lord Georg Robertson, historiani, Sir Noel Malcolm shumë deputetëve, akademikëve, historianëve, diplomatëve, gazetarëve dhe mysafirë të tjerë, presidenti i Thaçi ka falenderuar autorët dhe botuesin që besoi në këtë libër, në rëndësinë e rrëfimit të së vërtetës rreth Kosovës.

“Falënderoj Lordin Robertson i cili e lexoi librin herët dhe erdhi këtu sot në prezantimin e librit. Kosova gjithmonë do ta kujtojë Lordin Robertson, sepse ai ishte person kyç në kohëra vendimtare për ta ndihmuar Kosovën të bëhej një vend i lirë dhe demokratik”, ka shtuar ai.

Presidenti ka folur edhe për rolin e Britanisë së Madhe në lirinë, pavarësinë dhe procesin e shtetndërtimit në Kosovë.

“Më 18 shkurt, Kosova festoi 10-vjetorin e pavarësisë. Sot, ne duhet të kujtojmë se ishte Britania e Madhe njëra nga avokueset dhe më të rëndësishme për solidaritet me kosovarët kundër dhunës brutale të diktaktorit serb Sllobodan Millosheviq”, ka thënë ai.

Presidenti ka thënë Kosova dhe Mbretëria e Bashkuar janë partner të natyrshëm dhe strategjikë.

“Nëse ky libër do të ndihmojë sadopak për ta forcuar këtë aleancë dhe për të kujtuar miqësinë tonë, atëherë unë jam një njeri shumë i lumtur”, ka thënë ai.

Ish sekretari i NATO-s, Lordi Georg Robertson ka kujtuar momentet nga përiudha e luftës dhe e pasluftës.

“Shpreh kënaqësinë që jam këtu sot me Hashim Thaçin për të shënuar këtë moment shumë të rëndësishëm. Ky libër paraqet në mënyrë të drejtë historinë e një individi dhe historinë e një lufte. Por, para se gjithash, historia është e gjatë, e ndërlikuar dhe e thellë. Nuk është diçka e thjeshtë, siç nuk do të jetë as e ardhmja e saj. Por, siç kanë thënë shumë njerëz në pjesë të ndryshme të botës, ju mund ta respektoni historinë tuaj edhe pa e jetuar atë”, ka thënë ai.

Ndërsa, Cherie Blair, bashkëshortja e ish kryeministrit britanik, Tony Balir ka vlerësuar lartë libritin.

“Kam qenë shumë me fat që mora një ekzemplar të hershëm të librit. Dhe më duhet t’ju them se bëhet fjalë për një rrëfim mahnitës. Por, më e rëndësishmja, është bërë një hulumtim i thukët nga gazetarët shumë të njohur këtu në Britani të Madhe, pra nga gazeta shumë e respektuar “The Times”, ka theksuar ajo.

Njëri nga autorët e librit, Roger Boyes ka thënë se në të kaluarën historia për Hashim Thacin nuk ishte shkruar si duhet. “Nëse analizoni arritjet e tij të ndryshme, nga një lider studentor në një moshë shumë të re, ai avancoi në bashkëthemelimin e një ushtrie, duke bindur njerëzit”, ka thënë Boyes.

Ai foli edhe për rolin që Thaci ka pasur në Konferencën e Rambujësë, në qarmatosjen e Uck-së dhe në procesin e shpalljës së pavaeësisë dhe të shtetndërtimit.

Edhe autorja tjetër, Suzy Jagger ka theksuar se libri është një rrëfim për perëndimin dhe vetë Kosovën.

“Kujtoj kur Hashimi na rrëfente se vetëm pak më tej kësaj rrugë, në shkallët e Ministrisë së Jashtme britanike (Foreign Office), gjë që përmendet edhe në libër, Robin Cook ju kishte thënë se De Gaulle kishte qëndruar mbi këto shkallë dhe kishte shkuar për ta çliruar Francën dhe se ju tani do të shkoni për ta çliruar vendin tuaj. Dhe mendoj se për ne është shumë interesant fakti që ne përfunduam duke shkruar një libër që në një farë mënyrë ishte po aq për Britaninë sa edhe për Kosovën”, ka theksuar ajo.

Librin, autorët do ta pomovojnë ditëve të ardhshme edhe në Paris dhe shtete tjera të botës.

 

29214068_1858623137541370_4375135862761979904_n 29136274_1858623164208034_7856635579805466624_n 29176774_1858623310874686_7137681414782189568_n 29177727_1858623467541337_3778553072712679424_n 29177857_1858623287541355_3157188561883627520_n 29136420_1858623150874702_7115238381004521472_n

Fotolajm

Rita, Dua dhe Era.
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO