Punonjësit e ambasadës në fillim menduan se kishin të bënin me ndonjë lëndë eksplozive, por kur mbërriti policia dhe bëri verifikimet, rezultoi se ishin dy qese me lëndë narkotike të llojit “kanabis”dhe tri qese më të vogla me mbishkrimin “pluhur”, e cila kishte brenda gjithashtu lëndë narkotike.

Pas hetimeve nga grupi i posaçëm, rezultoi se ka qenë pikërisht policia ajo që e ka dërguar pakon në ambasadën shqiptare në Suedi.

Sipas policisë, një punonjës i saj, për shkak të një gabimi kompjuterik, e dërgoi pakon me drogë në ambasadën në Stokholm, në vend që ta dërgonte në laboratorin e kriminalistikës në Policinë e Suedisë.