Thaçi ka thënë se nuk po i mungon përkrahja në qytetin e Pejës, por përkundrazi, ata po e përkrahin “Misionin e Ri” të kësaj partie.

“Peja e mbështjellur me ngjyrën e kaltër të Misionit të Ri. Po gjej përkrahje të mrekullueshme dhe masive në katër anët e Republikës për planin tonë të krijimit të vendeve të reja të punës”, ka shkruar Thaçi në Facebook.

Ndryshe, qyteti i Pejës nuk është njohur në zgjedhjet e pasluftës si pikë e fortë e Hashim Thaçit.

Por, një mbështetje e madhe atij po i vjen edhe pas aderimit të biznesmenit Ramiz Kelmendi në PDK, i cili vjen nga Peja.