Pas tre muajve, Kuvendi formon Komisionin për “gylenistët”
Kuvendi i Kosovës ka votuar formimin e Komisionit Hetimor për arrestimin dhe deportimin e gjashtë shtetasve turq nga Kosova.
Lajme
Me 58 vota për, një kundër dhe katër abstenime, Kuvendi ka formuar komisionin në fjalë, i cili do të ketë përfaqësues nga të gjitha partitë politike, shkruan lajmi.net.
Formimi i këtij Komisioni vije pas tre muajve që nga koha kur partitë politike kishin dërguar në Kuvend emrat e përfaqësuesve të tyre.
Vlen të përmendet se familjarët e të deportuarve kishin dorëzuar edhe kallëzim penal në Policinë e Kosovës për rastin në fjalë.
Lidhur me rastin ishte shkarkuar edhe ministri i Brendshëm, Flamur Sefaj.